تازہ ترین

پاکستان کو آئی ایم ایف سے 6 ارب ڈالر قرض پروگرام کی توقع

وفاقی وزیر خزانہ محمد اورنگزیب نے کہا ہے کہ...

اسرائیل کا ایران پر فضائی حملہ

امریکی میڈیا کی جانب سے یہ دعویٰ سامنے آرہا...

روس نے فلسطین کو اقوام متحدہ کی مکمل رکنیت دینے کی حمایت کردی

اقوام متحدہ سلامتی کونسل کا غزہ کی صورتحال کے...

واٹس ایپ کا نیا زبردست فیچر آپ کی مشکل آسان کردیگا!

میسجنگ ایپلیکیشن واٹس ایپ نے صارفین کی پرائیویسی کو مدِنظر رکھتے ہوئے نیا زبردست فیچر متعارف کروادیا ہے۔

میٹا کی زیر ملکیت واٹس ایپ نے ایک بار پھر سے حفاظتی نظام کو بہتر بناتے ہوئے لوگوں کی سیکیورٹی کی مشکل کو آسان کرنے کی کوشش کی ہے اور ’چیٹ لاک’ کے فیچر کو پہلے سے زیادہ باحفاظت اور بہتر بنایا ہے۔

مئی 2023 میں متعارف کرایا جانے والا واٹس ایپ کا ’چیٹ لاک’ نامی فیچر اب پہلے سے زیادہ بہتر انداز میں صارفین کی خدمت میں پیش کیا جائے گا۔

اس فیچر کو اگر آپ بھی استعمال کرتے ہیں تو یہ بات جانتے ہونگے کہ موبائل ایپس کے لیے متعارف ہونے والے اس فیچر کے ذریعے مختلف چیٹس کو ایک فولڈر میں محفوظ کیا جاتا ہے جس تک رسائی سیکرٹ کوڈ کے ذریعے ممکن ہوتی ہے۔

واٹس ایپ کے ’چیٹ لاک‘ فیچر میں کیا نئی چیز ہوگی؟

پہلے صرف یہ سہولت فراہم کی گئی تھی کہ چیٹ لاک کا یہ فیچر محض موبائل میں استعمال کیا جاتا تھا جس میں صارفین مین ڈیوائس میں ہی چیٹس کو محفوظ کر سکتے ہیں جبکہ لنکڈ ڈیوائسز پر وہ لاک نہیں ہوتی تھیں۔

ویب بیٹا انفو کی رپورٹ میں بتایا گیا ہے کہ واٹس ایپ کی جانب سے ایک نئے فیچر کی آزمائش اینڈرائیڈ ڈیوائسز کے بیٹا (beta) ورژن میں کی جا رہی ہے۔

اس فیچر کے تحت مین ڈیوائس میں لاک کی جانے والی چیٹ دیگر لنکڈ ڈیوائسز میں بھی لاک ہو جائے گی۔

اب تمام ڈیوائسز میں چیٹ لاک کے اطلاق سے صارفین کو یہ سہولت حاصل ہوگی کہ وہ حساس چیٹس کو دیگر افراد کی نظروں سے بچا سکیں گے، چاہے وہ افراد ڈیوائس کو استعمال ہی کیوں نہ کریں۔

Comments

- Advertisement -