اسلام آباد : مالی سال 24-2023 کا وفاقی بجٹ آئی ایم ایف کی ڈکٹیشن پر تیار ہونے کا امکان ہے ، ٹیکس ریونیو،مالی خسارے اور ترقیاتی بجٹ سمیت اہم اہداف کی آئی ایم ایف سے منظوری لی جائے گی۔
تفصیلات کے مطابق آئی ایم ایف کیساتھ معاہدے میں تاخیر کے باعث نئے بجٹ کی تیاری کا شیڈول بھی متاثر ہے، سیاسی اور معاشی بے یقینی کے باعث بجٹ اسٹریٹجی پیپر تیار نہ ہوسکا۔
ذرائع نے بتایا ہے کہ بجٹ اسٹریٹجی پیپر اپریل کے دوسرےہفتہ میں تیار کرکے کابینہ سے منظوری کا پلان تھا۔
ذرائع کا کہنا ہے کہ ترقیاتی اور جاری اخراجات کیلئے بجٹ کی حد مقرر کرنے کا شیڈول بھی متاثر ہے ، سالانہ پلان کوآرڈی نیشن کمیٹی کا اجلاس بھی تاحال طلب نہیں کیا جا سکا۔
ذرائع کے مطابق بجٹ سے متعلق نیشنل اکنامک کونسل کا اجلاس مئی کے پہلے ہفتہ شیڈول ہے ، کابینہ سے منظوری کیلئے بجٹ دستاویز کو مئی کے آخر تک حتمی شکل دی جائے گی اور بجٹ 24-2023 جون کے پہلے ہفتہ کابینہ اور پارلیمنٹ میں پیش کرنے کا پلان ہے۔
ذرائع نے کہا کہ مالی سال 24-2023 کا وفاقی بجٹ آئی ایم ایف کی ڈکٹیشن پر تیار ہونے کا امکان ہے، ٹیکس ریونیو، مالی خسارے اور ترقیاتی بجٹ سمیت اہم اہداف کی منظوری آئی ایم ایف سے لی جائے گی۔
