انگلش کرکٹ بورڈ (ای سی بی) نے جوس بٹلر کی جگہ انگلینڈ وائٹ بال ٹیم کے لیے نئے کپتان کے نام کا اعلان کر دیا ہے۔
انگلش کرکٹ بورڈ نے ہیری بروک کو انگلینڈ کی وائٹ بال ٹیم کا نیا کپتان مقرر کیا ہے۔ وہ ون ڈے اور ٹی 20 میں ٹیم کی قیادت کریں گے۔
ہیری بروک جو ایک سال سے انگلش ٹیم کے نائب کپتان تھے، بطور کپتان ان کا پہلا امتحان آئندہ ماہ ویسٹ انڈیز کے خلاف سیریز ہوگی۔
واضح رہےکہ حال ہی میں پاکستان کی میزبانی میں کھیلی گئی آئی سی سی چیمپئنز ٹرافی کے پہلے مرحلے میں ہی ٹورنامنٹ سے باہر ہونے کے بعد انگلینڈ وائٹ بال ٹیم کے کپتان جوس بٹلر نے قیادت چھوڑنے کا اعلان کر دیا تھا۔
چیمپئنز ٹرافی میں خراب کارکردگی، انگلینڈ کے کپتان جوز بٹلر نے کپتانی چھوڑ دی
