ریاض: سعودی عرب میں یومیہ کورونا کیسز 50 سے بھی کم ہوگئے، گزشتہ چوبیس گھنٹوں کے دوران وبا کے صرف 44 نئے مریض رپورٹ ہوئے ہیں۔
عرب میڈیا کی رپورٹ کے مطابق مملکت میں گزشتہ 24 گھنٹوں کے دوران 3 کورونا مریضوں کی اموات ہوئیں۔ کووڈ19 کے نئے کیسز آنے کے بعد وبا سے متاثر ہونے والوں کی مجموعی تعداد 5 لاکھ 47 ہزار 134 ہوگئی۔
- Advertisement -
سعودی محکمہ صحت نے بتایا کہ سعودی عرب میں کورونا سے اب تک 8716 اموات ہوچکی ہیں، گزشتہ 24 گھنٹے میں 53 مریض صحت یاب ہوئے جس کے بعد وبا کو شکست دینے والوں کی تعداد 5 لاکھ 36 ہزار 178 ریکارڈ کی گئی۔
کورونا کے نئے کیسز زیادہ تر البھا شہر اور دارالحکومت ریاض میں رپورٹ ہوئے۔ مملکت میں فعال کیسز میں سے 212 مریض کی حالت تشویش ناک بتائی جاتی ہے۔
خیال رہے کہ سعودی حکومت نے عالمی کورونا وبا پر کافی حد تک کنٹرول پالیا ہے۔
