ریاض: سعودی عرب میں یومیہ کورونا کیسز کی تعداد میں معمولی اضافہ ریکارڈ کیا گیا ہے۔
عرب میڈیا کی رپورٹ کے مطابق سعودی محکمہ صحت کا کہنا ہے کہ مملکت میں لگاتار دو دن تک کورونا کیسز 50 سے کم رپورٹ ہوئے لیکن گزشتہ روز 59 کیسز سامنے آئے۔
محکمہ صحت کے اعدادوشمار کے مطابق گزشتہ روز انسٹھ کورونا کیسز رپورٹ ہوئے جبکہ 5 مریضوں کی اموات بھی ہوئیں۔ سعودی عرب میں کورونا سے متاثر ہونے والوں کی مجموعی تعداد 5 لاکھ 46 ہزار 985 ہوگئی۔
اب تک کورونا کے 8704 مریضوں کی اموات ہوچکی ہیں۔ گزشتہ روز 78 افراد وبا سے صحت یاب ہوئے جس کے بعد کووڈ19 کو شکست دینے والوں کی تعداد 5 لاکھ 36 ہزار 028 ہوگئی۔
کوروناوائرس کے نئے کیسز سب سے زیادہ سعودی دارالحکومت ریاض سے رپورٹ ہوئے ہیں۔ مملکت میں فعال کیسز میں سے 244 مریض سنگین صورت حال سے گزر رہے ہیں۔
خیال رہے کہ سعودی حکومت نے عالی کورونا وبا پر کافی حد تک قابو پالیا ہے۔