ریاض: سعودی عرب میں عالمی کورونا وبا پر کنٹرول برقرار ہے، یومیہ کیسز مسلسل 50 سے کم رپورٹ ہورہے ہیں۔
عرب میڈیا کی رپورٹ کے مطابق مملکت میں گزشتہ چوبیس گھنٹوں کے دوران وبا کے 41 نئے کیسز رپورٹ ہوئے جبکہ 3 کورونا مریضوں کی اموات بھی ہوئیں۔
سعودی محکمہ صحت کا کہنا ہے کہ لگاتار چار روز سے روزانہ کی بنیاد پر پچاس سے کم کووڈ19 کے کیسز رپورٹ ہورہے ہیں، نئے کیسز سامنے آنے کے بعد وبا سے متاثر ہونے والوں کی مجموعی تعداد 5 لاکھ 47 ہزار 931 ہوگئی۔
محکمہ صحت نے بتایا کہ مملکت میں وبا سے انتقال کر جانے والوں کی مجموعی تعداد 8763 ریکارد کی گئی ہے، گزشتہ 24 گھنٹوں کے دوران 47 مریض کووڈ19 سے صحت یاب بھی ہوئے۔
سعودی عرب میں کوروناوائرس کو اب تک 5 لاکھ 36 ہزار 947 مریض شکست بھی دے چکے ہیں۔ کورونا کے فعال کیسز میں سے 106 مریضوں کی حالت تشویش ناک ہے۔
دوسری جانب سعودی حکومت مرحلہ وار کورونا پابندیوں میں نرمی کررہی ہے، کھلے مقامات پر ماسک پہننے کی شرط ختم کردی گئی تاہم شای ہالز، مالز اور ریستوران میں ماسک کی پابندی برقرار رہے گی۔
