ریاض: سعودی عرب میں کورونا وائرس کے یومیہ کیسز میں کمی برقرار ہے، گزشتہ چوبیس گھنٹوں کے دوران بھی وبا کے صرف 38 نئے کیسز رپورٹ ہوئے۔
عرب میڈیا کی رپورٹ کے مطابق مملکت میں گزشتہ 24 گھنٹے میں کورونا کے اڑتیس مریض سامنے آئے جبکہ تین مریضوں کی اموات بھی ہوئیں۔ کورونا سے مجموعی طور پر 5 لاکھ 49 ہزار 260 افراد متاثر ہوچکے ہیں۔
- Advertisement -
سعودی عرب میں کورونا سے مجموعی اموات کی تعداد 8816 ریکارڈ کی گئی۔
گزشتہ چوبیس گھنٹوں کے دوران 55 مریض کووڈ19 سے صحت یاب ہوئے جس کے بعد مہلک وائرس کو شکست دینے والوں کی مجموعی تعداد 5 لاکھ 38 ہزر 329 ہوگئی۔
کورونا کے فعال کیسز میں سے 49 مریضوں کی حالت تشویش ناک ہے۔
