نئی دہلی: بھارتی دارالحکومت نئی دہلی پر ٹڈیوں کی فوج نے حملہ کردیا جس کے نتیجے میں کئی فصلوں کو نقصان پہنچا۔
غیرملکی خبررساں ادارے کی رپورٹ کے مطابق بھارت میں ٹڈیوں نے تباہی مچادی جس کے نتیجے میں کسانوں کی کئی تیار فصلیں تباہ ہوگئیں اور کسانوں کو بھاری مالی نقصان برداشت کرنا پڑا۔
گروگرام میں ٹڈیوں کا حملے کے پیش نظر نئی دہلی میں ہائی الرٹ کردیا گیا ہے اور کئی تیار فصلوں کو بچانے کے
لیے اسپرے کیا جارہا ہے۔
نئی دہلی کے مضافات میں ٹڈی دل حملے کے مناظر سوشل میڈیا پر شیئر کیے جارہے ہیں، ٹڈیوں کی تعداد اتنی زیادہ ہے کہ لگتا ہے کہ پورے علاقے میں بادل چھا گئے ہوں۔
Huge swarms of locust have now reached Gurugram and covered large tracts of the region in Haryana.#LocustsAttack pic.twitter.com/ZMnbiDRY1D
— The Times Of India (@timesofindia) June 27, 2020
دہلی کے وزیر ماحولیات گوپال رائے نے قومی دارالحکومت کے جنوبی اور مغربی اضلاع کے منتظم کو آگاہ کیا کہ ٹڈی حملوں کے پیش نظر ہائی الرٹ رکھا جائے۔
گوپال رائے کے اجلاس میں شریک ایک عہدیدار کا کہنا ہے کہ ٹڈیوں نے ساؤتھ دہلی کے علاقے آسولا بھٹی میں یلغار مچائی ہوئی ہے۔
دوسری جانب نئی دہلی کے محکمہ زراعت نے تمام ضلعی مجسٹریٹ اور سب ڈویژنل مجسٹریٹ سے واقعے کی تمام تر تفصیلات طلب کرلی ہیں۔