The news is by your side.

Advertisement

کورونا علاج کیلیے نئی دوا منظور

دنیا بھر میں تباہی مچانے والے کورونا وائرس سے بچاؤ میں بڑی پیشرفت سامنے آ گئی۔

برطانیہ نے کورونا کے علاج کے لیے ایک نئی دوا کی منظوری دے دی ہے جو پانی کے ذریعے لی جا سکتی ہے۔ ‏اس دوا کو انقلابی (گیم چینجر) قرار دیا جا رہا ہے اور یہ کورونا سے ہونے والی اموات کے خطرے میں 50 فیصد ‏کمی لائے گی۔

برطانیہ میں اینٹی وائرل دوا کے استعمال کی منظوری دیدی گئی کورونا علامات کی صورت میں مریض کو نئی دوا ‏دن میں دوبار دی جائےگی۔

برطانوی میڈیا کے مطابق بنیادی طور پر اینٹی وائرل ٹیبلیٹ فلو کے مریضوں کیلئے تیار کی گئی تھی۔ برطانوی ‏وزیر صحت ساجد جاوید کہتے ہیں ’’مولنوپراور‘‘ کورونا کیخلاف گیم چینجرثابت ہوگی۔

برطانیہ پہلا ملک ہے جہاں کورونا کیخلاف اینٹی وائرل دوا استعمال ہوگی، ٹیبلیٹ پانی کے ساتھ لی جائے گی۔ ‏کلینکل ٹرائل میں دوا لینے والے مریضوں میں اموات کی شرح نصف ہوگئی اور اسپتال داخل کرانے کی شرح بڑی ‏حد تک کم رہی۔ ‏

برطانوی میڈیا کے مطابق گولی کورونا کی نئی اقسام کےخلاف بھی مؤثر ثابت ہوگی۔

Comments

یہ بھی پڑھیں