اسلام آباد: نئی حکومت نے آتے ہی بجٹ کی تیاریاں شروع کردیں، بجٹ ترجیحات کمیٹی کا اجلاس طلب کرلیا گیا۔
تفصیلات کے مطابق شہباز شریف حکومت نے بجٹ کی تیاری کے سلسلے میں مختلف وزارتوں کی بجٹ ترجیحات کمیٹی کا اجلاس طلب کرلیا، بجٹ ترجیحات کمیٹی کا اجلاس آج سے شروع ہوگا۔
ذرائع کا کہنا ہے کہ بجٹ ترجیحات کمیٹی 19 اپریل تک وزارتوں کی ڈیمانڈ کا جائزہ لے گی، وزارت خزانہ نے ترجیحی کمیٹیوں کے اجلاس کا شیڈول جاری کردیا۔
- Advertisement -
دستاویز کے مطابق وفاقی وزارتیں اور ڈویژنز ترجیحی کمیٹیوں کے اجلاس میں سفارشات دیں گے، وزارت خزانہ وزارتوں کی ڈیمانڈزاور بجٹ کا جائزہ لے گی۔
