کراچی:کرونا وائرس کے پیش نظر سول ایوی ایشن نے 18 سے 30 اپریل تک مسافروں کے لئے نئی ہیلتھ پالیسی کا اعلان کردیا۔
کورونا وائرس سے بچاوکے حوالے سے سی اے اے کا جاری کردہ ہیلتھ فارم اے آر وائی نیوز کو موصول ہو گیا ہے،ہیلتھ فارم میں درج تمام ایس او پیز پر عملدرآمد لازمی قرار دیا گیا ہے۔
فضائی سفرکرنے والے مسافروں کے لیے ہیلتھ فارم دینا لازمی ہو گا، فارم میں نزلہ، زکام، کھانسی اورگلے کی خراش سے متعلق معلومات درج کی جائیں گی۔
سی اے اے کے مطابق ائیرپورٹ آمد اورروانگی کے وقت درج تمام ایس اوپیزپرعملدرآمد لازمی ہوگا جبکہ متعلقہ صحت افسر کی ہدایت پر قرنطینہ ہونے کی شرط لازمی قرار دی گئی ہے۔
مسافرقرنطینہ کی مدت میں توسیع اور قرنطینہ کے دوران حکام کے مطابق ضرورت پر خوراک کی قیمت ادا کرنے کا پابند ہوگا۔
حکومت مسافروں کی ترجیحات کے مطابق رہائش دینے کی پابند ہوگی جب کہ مسافرغلط معلومات دینے پر سزا کا مرتکب ہوگا۔
