امریکا میں اسٹار بکس کے ایک ملازم کو ایک پولیس افسر کی کافی میں تھوکنے پر گرفتار کرلیا گیا۔
یہ واقعہ امریکی ریاست نیو جرسی میں پیش آیا، پولیس کا کہنا ہے کہ انہیں اطلاع موصول ہوئی کہ مقامی کافی شاپ کا ایک ملازم قانون نافذ کرنے والے اداروں کی کافی میں تھوک رہا ہے۔
پولیس کا کہنا ہے کہ ملازم کو علم تھا کہ مذکورہ کافی پولیس افسر کی ہے لہٰذا وہ جان بوجھ کر اسے ایک خطرناک صورتحال سے دو چار کرتا رہا۔
ملازم کو پولیس کی جانب سے حراست میں لے لیا گیا جبکہ کافی شپ نے بھی کارروائی کرتے ہوئے ملازم کو نوکری سے برخاست کردیا۔
