ریاض: سعودی عرب میں کم عمر بچوں کو گاڑی میں مخصوص کرسی کے بغیر بٹھانے والے ڈرائیورز کو چالان کیا جائے گا۔
سعودی ٹریفک پولیس کے مطابق کم عمر بچوں کو گاڑی میں بغیر مخصوص کرسی کے سوار نہ کیا جائے، قانون کی خلاف ورزی کرنے والے ڈرائیورز کو چالان کیا جائے گا، کم عمر بچوں کے لیے مخصوس کرسی کا استعمال لازمی ہے۔
ترجمان ٹریفک پولیس نے بتایا کہ قانون کی خلاف ورزی کرنے والوں کو 300 سے 5 سو ریال چالان کیا جا سکتا ہے، چالان پولیس اہلکار خلاف ورزی کی نوعیت کے مطابق کریں گے۔ بچوں کے حوالے سے یہ قانون پرانا ہے لیکن اب اس قانون پر عملدرآمد کو یقینی بنایا جا رہا ہے۔
گاڑی کی اگلی نشست پر بچے کو بغیر کرسی کے بٹھانا سنگین نوعیت کی خلاف ورزی ہے کیونکہ اگلی سیٹ پر تنہا چھوٹے بچے کو سوار کرنا خطرناک ثابت ہوسکتا ہے۔ گاڑی میں بچوں کے لیے مخصوص کرسی میں حفاظتی اقدامات کو یقینی بنایا جاتا ہے۔
یاد رہے کہ گزشتہ سال جنوری میں سعودی ٹریفک پولیس کے اعلیٰ حکام کا کہنا تھا کہ 10 سال سے کمر عمر بچوں کو کسی کی نگرانی کے بغیر گاڑی میں اکیلے چھوڑ کر جانا قابل سزا جرم ہے ۔
