کراچی: ثانوی تعلیمی بورڈ کراچی نے نیا امتحانی شیڈول جاری کر دیا گیا جس کے مطابق امتحانات کا آغاز 28 مئی سے ہوگا۔
ناظم امتحانات میٹرک بورڈ خالد احسان کی جانب سے جاری کیے گئے نئے شیڈول کے مطابق نویں جماعت کا اردو کا پرچہ 28 مئی کو ہوگا جبکہ دسویں جماعت کا سندھی کا پرچہ 29 مئی کو منعقد ہوگا۔
خالد احسان کے مطابق 30 مئی کو نویں جماعت کا اسلامیات کا پرچہ لیا جائے گا جبکہ 31 مئی کو میٹرک پاکستان اسٹڈیز کا پرچہ ہوگا۔
شیڈول ملاحظہ کیجیے:
دو روز قبل کراچی سمیت سندھ بھر میں ہیٹ ویو کے خدشے کے پیش ثانوی تعلیمی بورڈ نے میٹرک کے امتحانات ملتوی کر دیے تھے۔
تعلیمی بورڈ کا کہنا تھا کہ 21 سے 27 مئی کے درمیان میٹرک امتحانات نہیں ہوں گے، 28 مئی سے میٹرک کے امتحانات شیڈول کے مطابق ہوں گے تاہم 21 اور 27 مئی کے درمیان ملتوی پرچے کا امتحان بعد میں لیا جائے گا۔