ماہرین اس خدشے کا اظہار کر چکے ہیں کہ کرونا وائرس اور اس کی ویکسین معمول کی زندگی کا حصہ بن چکی ہے، تاہم اب کچھ ممالک کے حالیہ اقدام سے اس کو تقویت ملی ہے۔
بین الاقوامی ویب سائٹ کے مطابق اسرائیل میں کووڈ ویکسی نیشن کے 6 ماہ مکمل ہونے پر آزادانہ نقل و حرکت کے پاسز منسوخ کردیے گئے اور نئی ہدایات جاری کردی گئی۔
اٹلی میں کرونا ویکسین کے ساتھ فلو ویکسین لگانے کی بھی منظوری دے دی گئی ہے، برطانوی تحقیق میں دونوں ویکسین ساتھ لگانے کو محفوظ قرار دیا گیا ہے۔
دوسری جانب عالمی وبا کرونا وائرس کے علاج میں بڑی پیش رفت کا امکان ظاہر کیا گیا ہے۔
غیر ملکی میڈیا کے مطابق طبی ماہرین نے ویکیسن کے بعد کرونا کے خلاف اینٹی وائرل دوا کے کلینکل ٹرائل میں بھی کامیابی حاصل کرلی ہے۔
