کراچی : نئی مانیٹری پالیسی کا اعلان آج کیا جائے گا، بینکوں کیلئے شرح سود میں کوئی تبدیلی کا امکان نہیں ہے۔
.
تفصیلات کے مطابق اسٹیٹ بینک آج اگلے ڈیڑھ ماہ کیلئے نئی مانیٹری پالیسی کا اعلان کرے گا، معاشی ماہرین کا کہنا ہے کہ بینکوں کیلئے شرح سود میں کوئی تبدیلی کا امکان نہیں ہے۔
آئی ایم ایف کی جانب سے سخت مانیٹری پالیسی رکھنے کی شرط ابھی برقرار ہے، جس کی وجہ سےشرح سود کو 22 فیصد پر برقرار رکھا جا سکتا ہے۔
گزشتہ ماہ فروری میں ماہانہ مہنگائی 28.3 فیصد سے کم ہو کر 23.1 فیصد پر ہے، جبکہ جنوری دوہزار چوبیس میں پاکستان کا کرنٹ اکاونٹ خسارہ چھبیس کروڑ نوےلاکھ ڈالر رہا ہے۔
