مسقط: سلطنت عمان میں تیل کے نئے ذخائر دریافت ہوئے ہیں، دریافت سے تیل کی یومیہ پیداوار میں 50 ہزار سے 1 لاکھ بیرل تک کا اضافہ ہو جائے گا۔
مقامی میڈیا رپورٹ کے مطابق سلطنت عمان کے وزیر توانائی نے تیل کے نئے ذخائر کی دریافت کا اعلان کیا ہے۔
نئے ذخائر سے آئندہ 2 سے 3 سال میں عمان میں تیل کی یومیہ پیداوار میں 50 ہزار سے 1 لاکھ بیرل تک کا اضافہ ہو جائے گا۔
- Advertisement -
عمان کے وزیر توانائی و معدنیات محمد بن حمد الرومحی نے تیل کے نئے ذخائر کی دریافت کا اعلان کرتے ہوئے کہا کہ عمان میں خام تیل کے ذخائر اس وقت 5.2 بیرل اور گیس کے ذخائر 240 کھرب مکعب فٹ ہیں۔
عمان کی وزارت توانائی کی طرف سے جاری کردہ اعداد و شمار میں بتایا گیا ہے کہ گزشتہ برس تیل کی اوسط پیداوار 971 ہزار بیرل تک پہنچ گئی تھی، رواں برس اوسط تیل کی پیداوار 1.1 ملین بیرل تک پہنچنے کی توقع ہے۔
