ریاست لوزیانا میں ہجوم پر ٹرک چڑھانے والے حملہ آور کی شناخت ہو گئی جس کی گاڑی سے داعش کا جھنڈا ملا ہے۔
غیر ملکی میڈیا کے مطابق گزشتہ روز امریکا کے شہر نیو اورلینز میں ملزم نے ہجوم پر گاڑی چڑھادی جس کے نتیجے میں 15 افراد ہلاک جبکہ 35 افراد شدید زخمی ہوگئے تھے۔
تاہم اب ریاست لوزیانا میں ہجوم پر ٹرک چڑھانے والے حملہ آور کی شناخت ہو گئی، ملزم کی شناخت 42 سالہ شمس الدین جبار کے نام سے ہوئی ہے جو سابق امریکی فوجی نکلا، دس سال فوج میں خدمات انجام دیں۔
خبر رساں ایجنسی کے مطابق ملزم کی گاڑی سے داعش کا جھنڈا ملا، جس کے بعد ایف بی آئی نے واقعے کو دہشت گردی قرار دیدیا۔
امریکی صدر جو بائیڈن کا کہنا ہے کہ حملے میں شریک دیگر کرداروں کو بھی تلاش کریں گے، سعودی وزارت خارجہ نے امریکی ریاست لوزیانا کے شہر نیو اورلینز میں ہٹ اینڈ رن کے واقعہ کی مذمت کرتے ہوئے مرنے والوں کے لواحیقین سے تعزیت کا اظہار کیا ہے۔
دوسری جانب سعودی وزارت خارجہ نے کہا کہ مملکت ہر قسم کے تشدد کو مکمل طور پر مسترد کرتے ہیں۔
