پشاور : سرکاری ملازمتوں کے خواہشمند نوجوانوں کے لئے عمر کی بالائی حد میں نرمی کی نئی پالیسی آگئی۔

تفصیلات کے مطابق خیبرپختونخوا میں سرکاری ملازمتوں کیلئے عمر کی بالائی حد میں نرمی کی نئی پالیسی جاری کردی گئی۔

اعلامیے میں کہا گیا کہ گریڈ 17 اور اس سے اوپر کی پوسٹوں پر 10 سال تک عمرمیں رعایت دی جاسکتی ہے۔

چیف سیکریٹری خیبرپختونخوا کی جانب سے باضابطہ نوٹیفکیشن جاری کردیا گیا۔

نوٹیفکیشن میں کہا ہے کہ اسکیل 16 اور اس سےکم گریڈ کی سیکرٹریٹ پوسٹوں پر بھی 10 سال کی نرمی کی گنجائش ہے۔

مزید پڑھیں : سرکاری ملازمین کو مدت ملازمت میں 5سال کی رعایت

اعلامیے میں کہنا تھا کہ غیر سیکرٹریٹ پوسٹوں کیلئے عمر میں نرمی کا ختیاراتھارٹی،ایڈمن سیکرٹری اور سیکرٹری کوحاصل ہے۔

دہشت گردی میں شہیدسرکاری ملازمین کےبیوہ،بیٹےیابیٹی کوخصوصی رعایت حاصل ہے۔

خیبرپختونخوا حکومت نے سول سرونٹس رولز 2008 میں اہم ترمیم کردی۔

یاد رہے فروری میں سندھ میں سرکاری ملازمین کو مدت ملازمت میں 5سال کی رعایت دی گئی تھی، پہلے سرکاری ملازمت کی حد 28 سال تھی جسے بڑھا کر 33 سال کردیا ہے۔

سندھ میں سرکاری نوکریوں پر پابندی تھی، جس کےباعث یہ فیصلہ کیا گیا ، اطلاق سندھ پولیس اورپبلک سروس کمیشن کی نوکریوں پرنہیں ہوگا۔