اسلام آباد : احساس ایمرجنسی کیش پروگرام میں بائیومیٹرک تصدیق میں ناکام صارفین کیلئے نیا ویب پورٹل کھول دیا گیا جبکہ ڈاکٹر ثانیہ نے پورٹل پر درخواست جمع کروانے کا طریقہ بھی بتا دیا۔
تفصیلات کے مطابق احساس ایمرجنسی کیش ادائیگی کے آخری15 دن رہ گئے ہیں ، اس حوالے سے معاون خصوصی ڈاکٹر ثانیہ نشتر نے ویڈیو پیغام میں کہا کہ بائیومیٹرک تصدیق میں ناکام صارفین کیلئےنیاویب پورٹل کھول دیاگیا ہے ،احساس ایمرجنسی کیش کے تحت ریگولرادائیگیاں 15 ستمبر2020 کو بند ہو چکی ہیں، انگلیوں کے نشانات کی تصدیق کے مسائل والے صارفین کو30 ستمبر تک ادائیگیاں ہوں گی۔
وہ افراد جن کو احساس ایمرجنسی کیش کی ادائیگیوں میں بائیومیٹرک تصدیق کے مسائل درپیش ہیں ان کی آسانی کیلیئے ایک نیا ویب پورٹل کھولا گیا ہے۔ پورٹل پر اپنی درخواست جمع کروانے کا طریقہ جاننے کیلیئے میرا یہ معلوماتی ویڈیو ملاحظہ کریں۔https://t.co/U9pMduXgLt pic.twitter.com/pcJ2kQHFEy
— Sania Nishtar (@SaniaNishtar) September 17, 2020
ثانیہ نشتر نے کہا کہ مستحق خاندان کے اہل افراد کی وفات پاچکےہیں توانھیں بھی ادائیگیاں کی جائیں گی، صارفین نہایت آسان طریقہ سے اپنی درخواست رجسٹر کرا سکتے ہیں، صارفین آن لائن پورٹل پر فارم میں شناختی کارڈ ،فون نمبردرج کر یں، فارم جمع ہوتےہی صارف کو خود کار طریقےسےجنریٹڈٹریکنگ نمبرملے گا۔
