The news is by your side.

Advertisement

2023 میں وزیراعظم کون ہوگا؟ منظور وسان نے بڑی پیش گوئی کردی

کراچی : پیپلزپارٹی کے رہنما منظور وسان نے پیش گوئی کی ہے کہ 2023 میں بلاول بھٹو وزیر اعظم ہوں گے اور عمران خان اپنے پانچ سال پورا نہیں کر سکیں گے۔

تفصیلات کے مطابق پیپلز پارٹی کے رہنما منظور وسان کی سندھ ہائی کورٹ کے باہر میڈیا سے گفتگو کرتے ہوئے زبان پھسل گئی اور پی ڈی ایم کو ایم آر ڈی کہہ دیا۔

منظور وسان نے سیاسی حوالے سے پیش گوئی کرتے ہوئے کہا کہ عمران خان اپنے پانچ سال پورا نہیں کر سکیں گے اور بلاول 2023 کے وزیر اعظم ہیں۔

صحافی نے سوال کیا کیا پی پی ہی اپوزیشن کی سلیکٹیڈ ہے؟ جس پر پی پی رہنما نے جواب دیا کہ اس بات پر نہ جائیں سلیکٹیڈ سلیکٹڈ، ہر دفعہ کوئی نہ کوئی تو سلیکٹڈ ہوتا ہے۔

اس سے قبل سندھ ہائی کورٹ نے آمدن سے زائد اثاثہ کیس میں منظور وسان کی ضمانت قبل از وقت گرفتاری میں 4 مئی تک توسیع کردی تھی۔

دوران سماعت نیب پراسیکیوٹر نے بتایا کہ منظور وسان کے خلاف انکوائری بند کرنے کا فیصلہ ہوا ہے، انکوائری بند کرنے کی سفارش ہیڈ کوارٹر ارسال کردی اور جواب کا انتظار ہے۔

بعد ازاں عدالت نے نیب حکام کو جواب کے لیے مہلت دیتے ہوئے کیس کی سماعت 4 مئی تک ملتوی کردی۔

Comments

یہ بھی پڑھیں