واشنگٹن: امریکی حکام نے اپنے شہریوں کے لیے نئی سفری ہدایات جاری کردیں اور چند ممالک کے حوالے سے عوام کو خبردار کیا ہے کہ وہ وہاں کا سفر نہ کریں۔
غیرملکی خبررساں ادارے کی رپورٹ کے مطابق کوروناوائرس کے بڑھتے ہوئے کیسز کے پیش نظر امریکی سینٹر فار ڈیزیز کنٹرول نے شہریوں کو متنبہ کرتے ہوئے ہدایت کی ہے کہ وہ اسپین، پرتگال، قبرص اور کرغزستان کے سفر سے گریز کریں، مذکورہ ممالک کورونا کے حوالے سے خطرناک صورت حال سے گزر رہے ہیں۔
امریکی حکام نے مشورہ دیا ہے کہ شہری کورونا سے محفوظ ممالک کا سفر کریں، ایسے ملکوں میں نہ جائیں جہاں عالمی وبا اپنے پنجے گاڑے بیٹھی ہے اور کیسز بڑھ رہے ہیں۔
امریکی سینٹر فار ڈیزیز کنٹرول(سی ڈی سی) کا کہنا ہے کہ ملکی وزارت خارجہ کی ہدایت پر عوام کے لیے سفری مشورہ جاری کیا گیا ہے۔ قبل ازیں حکومت نے کیوبا کو بھی کورونا سے متعلق خطرناک قرار دیا۔
خیال رہے کہ گزشتہ ماہ بھی سی ڈی سی نے 110 ممالک سے متعلق سفری ہدایات جاری کی تھیں۔
