تازہ ترین

عمرہ زائرین کے لیے ایک اور سہولت کا اضافہ

ریاض: سعودی وزارت حج و عمرہ نے عمرہ زائرین کے لیے توکلنا ایپ میں نئی سہولت کا اضافہ کردیا جس سے عمرہ زائرین کو مزید سہولت حاصل ہوگی۔

سعودی ویب سائٹ کے مطابق سعودی وزارت حج و عمرہ نے عمرہ زائرین کے لیے نئی سہولت کا اضافہ کیا ہے، اس سہولت سے وہ افراد بھی استفادہ کر سکیں گے جو عمرہ اجازت نامہ ایسے وقت میں حاصل کرنا چاہتے ہیں جب رش زیادہ نہ ہو۔

وزارت حج و عمرہ کا کہنا ہے کہ اعتمرنا اور توکلنا ایپس کو اپ ڈیٹ کر دیا گیا ہے، اس کی بدولت عمرے کے امیدوار یہ دریافت کر سکیں گے کہ عمرے کا اجازت نامہ ایسے وقت کے لیے جاری کیا جائے جب رش کم ہو۔

وزارت حج و عمرہ نے ٹویٹر پر کہا ہے کہ یہ نئی سہولت متعارف کروائی ہے اس کی بدولت عمرے کا اجازت نامہ طلب کرتے وقت معلوم کیا جا سکتا ہے کہ مصروف ترین اوقات سے کس طرح بچا جائے۔

وزارت حج و عمرہ کا کہنا ہے کہ اعتمرنا اور توکلنا ایپس کو ایپل اور گوگل پلے کے ذریعے اپ ڈیٹ کر لیا جائے اور اس کی بدولت یہ پتہ لگایا جا سکے گا کہ عمرہ کرنے کے لیے کون سا وقت مناسب رہے گا۔

Comments

- Advertisement -