تازہ ترین

فیض آباد دھرنا : انکوائری کمیشن نے فیض حمید کو کلین چٹ دے دی

پشاور : فیض آباد دھرنا انکوائری کمیشن کی رپورٹ...

حکومت نے پیٹرولیم مصنوعات کی قیمتوں میں اضافہ کردیا

حکومت کی جانب سے پیٹرولیم مصنوعات کی نئی قیمتوں...

سعودی وزیر خارجہ کی قیادت میں اعلیٰ سطح کا وفد پاکستان پہنچ گیا

اسلام آباد: سعودی وزیر خارجہ شہزادہ فیصل بن فرحان...

حکومت کل سے پٹرول مزید کتنا مہنگا کرنے جارہی ہے؟ عوام کے لئے بڑی خبر

راولپنڈی : پیٹرول کی قیمت میں اضافے کا امکان...

نئے قرض کیلئے مذاکرات، آئی ایم ایف نے پاکستان کے لیے خطرے کی گھنٹی بجادی

واشنگٹن : آئی ایم ایف کی منیجنگ ڈائریکٹر کرسٹیلینا...

سال نو پر ہوائی فائرنگ سے 17 افراد زخمی

پورے پاکستان کی طرح کراچی سمیت اندرون سندھ کے دیگر شہروں میں بھی سال نو کے آغاز پر آتش بازی کے ساتھ ہوائی فائرنگ بھی کی گئی جس کے نتیجے میں بچے سمیت 17افراد زخمی ہوگئے۔

تازہ ترین اطلاعات کے مطابق نئے سال کی آمد پر سخت پابندی کے باوجود ملک کے مختلف شہروں میں ہوائی فائرنگ کا سلسلہ جاری رہا، کراچی، حیدرآباد، میرپورخاص، ٹنڈوالہٰ یار اور دیگرشہروں میں شدید ہوائی فائرنگ کی گئی۔

کراچی کے علاقے صدر، لیاری،گارڈن، سچل، کورنگی، گلستان جوہر، ایف بی ایریا، کلفٹن، کیماڑی، سائٹ، سرجانی ٹاؤن ملیر، لیاقت آباد ،سہراب گوٹھ میں بھی مسلح افراد کی جانب سے ہوائی فائرنگ کی گئی۔

 ہوائی فائرنگ

فائیواسٹار چورنگی پر شہریوں کی بڑی تعداد جمع ہوئی، اس موقع پر پولیس اور رینجرز کی بھاری نفری موجود تھی۔

ریسکیوحکام کا کہنا ہے کہ کراچی میں ہوائی فائرنگ سے بچے سمیت17افراد زخمی ہوئے، بہادر آباد میں ہوائی فائرنگ سے ایک شخص ایک سات سالہ بچہ زخمی ہوا۔

اس کے علاوہ لیاقت آباد فردوس شاپنگ سینٹر پر ہوائی فائرنگ سے ایک شخص کے زخمی ہونے کی اطلاعات ہیں

کراچی میں ہوائی فائرنگ کرنے والے2شہریوں کو کورنگی پولیس جبکہ ایک ملزم کو سائٹ ایریا سے کیماڑی پولیس نے گرفتار کرلیا۔ ایس ایس پی ساؤتھ کے مطابق اسلحہ کی نمائش اور ہلٹربازی کرنے پر 6افراد کو گرفتار کرلیا جبکہ زمان ٹاؤن میں ہوائی فائرنگ کرنے والا ایک اور ملزم گرفتار کرلیا گیا۔

ہوائی فائرنگ سے زخمی ہونے والے افراد کو طبی امداد کیلئے مختلف اسپتالوں میں منتقل کیا گیا

Comments

- Advertisement -