نئے سال کے آغاز پر پاکستان کرکٹ ٹیم آسٹریلین وزیراعظم کی مہمان بن گئی، انتھونی البانیز نے سڈنی میں دونوں ٹیموں کے اعزاز میں تقریب سجادی۔
میڈیا رپورٹس کے مطابق وزیراعظم انتھونی البانیز کی تقریب میں پاکستان اور آسٹریلیا کے کرکٹرز کے علاوہ پی سی بی منیجمنٹ کمیٹی کے چیئرمین ذکا اشرف، چیف آپریٹنگ آفیسر سلمان نصیر اور آسٹریلین کرکٹ بورڈ کے حکام نے بھی شرکت کی۔
اس موقع پر آسٹریلوی وزیراعظم نے پاکستان کی تعریف کرتے ہوئے کہا کہ مہمان ٹیم نے اس دورے میں اچھی کرکٹ کھیلی ہے خاص کر میلبرن ٹیسٹ میں ٹیم کی پرفارمنس قابل دید رہی۔
انتھونی البانیز نے قومی کرکٹ ٹیم کے مثالی رویے کی بھی تعریف کرتے ہوئے امید ظاہر کی کہ سڈنی ٹیسٹ میں بھی پاکستان ٹیم بہتر کھیلے گی اور اچھی کرکٹ دیکھنے کو ملے گی۔
The Australian Prime Minister hosted a lunch for the Pakistan team to honor their visit. The event was attended by Chairman PCB Management Committee Zakaa Ashraf. Zakaa Sahib was present for the special lunch. #PakistanCricket #AUSvPAK pic.twitter.com/y9V7UmUFLg
— Rafeh Chaudhary (@rafeh857) January 1, 2024
اس موقع پر کپتان پاکستان کرکٹ ٹیم شان مسعود نے پاکستان ٹیم کو مدعو کرنے پر آسٹریلوی وزیراعظم کا شکریہ ادا کیا۔ شان نے کہا کہ دونوں ٹیمیں سیریز کے دوران مثبت کرکٹ کھیل رہی ہیں۔
قومی کپتان نے کہا کہ اس طرح کے دورے میں کھلاڑیوں ملک کے سفیر کا کردار ادا کرنے کے موقع بھی ملتا ہے۔ پُرامید ہوں کہ پاکستان کرکٹ ٹیم سڈنی ٹیسٹ میں اچھی کارکردگی کا مظاہرہ کرے گی۔
مہمان ٹیم اور کینگروز تیسرے اور آخری ٹیسٹ میں بدھ 3 جنوری کو مدمقابل آئیں گے۔ آسٹریلیا پہلے ہی سریز جیت چکا ہے۔
