نیویارک : حادثے میں آنکھوں کی روشنی کھونے والی نیویارک کی ایمیلی اگاسیا نے بینائی سے محرومی کے بعد اپنے احساسات کو رنگوں کی زبان دے دی۔
ایمیلی نابینا افراد کو اپنی تخلیق کےذریعے رہنمائی بھی فراہم کرتی ہیں، کہتے ہیں کہ مصوری جذبات کو کینوس پر اتارنے کا نام ہے، اس مثال کو ایمیلی اگاسیا نے سچ کر دکھایا۔
نیویارک کی ایملی اگاسیا کی بینائی حادثے میں ضائع ہوئی پھر اس نے فیصلہ کیا وہ اپنےاحساسات رنگوں کے ذریعے دوسروں تک پہنچائےگی۔
اس نابینا مصورہ کا کہنا ہے کہ میں آرٹ تخلیق کرنا چاہتی ہوں، جو کچھ محسوس کرتی ہوں اسے بنانا چاہتی ہوں جس طرح دوسرے لوگوں محسوس ہوتا ہے کہ انہیں روزش کرنی چاہیئے اسی طرح میری بھی سوچ ہے کہ آرٹ تخلیق کروں۔
ایمیلی اگاسیا نے کہا کہ مجھے یہاں ٹیچرز اور ٹوورز کے آنے پر بہت خوشی ہوتی ہے میں اپنے تجربات اور ناظرین سے گفتگو کرکے بہت کچھ سیکھتی ہوں۔
