اسرائیلی دباؤ پر نیویارک کی گورنر نے یونیورسٹی سے مطالعہ فلسطین کے لیکچرار کی ملازمت ختم کرنے کا حکم دے دیا۔
بین الاقوامی میڈیا رپورٹس کے مطابق گورنر کیتھی ہوچول نے نیو یارک کی پبلک سٹی یونیورسٹی یا CUNY کو حکم دیا ہے کہ وہ اسرائیل کے حامی گروپوں کے دباؤ کے بعد "فلسطین اسٹڈیز” کے لیکچرار کی ملازمت کی فہرست کو ہٹا دیں۔
گورنر کے ترجمان نے یویارک پوسٹ کو بتایا کہ گورنر ہوچول نے CUNY کو ہدایت کی ہے کہ وہ فوری طور پر اس نوکری کی پوسٹنگ کو ہٹا دیں اور اس پوزیشن کا مکمل جائزہ لیں تاکہ یہ یقینی بنایا جا سکے کہ کلاس روم میں یہود مخالف نظریات کو فروغ نہیں دیا جاتا۔
ان کا کہنا تھا کہ گورنر نے یہود دشمنی کی تمام اقسام کی سختی سے مذمت کی ہے اور واضح کیا ہے کہ کسی بھی قسم کی نفرت انگیز بیان بازی کی CUNY یا ریاست نیویارک میں کہیں بھی کوئی جگہ نہیں ہے۔
ملازمت کی فہرست میں "تاریخی بنیادوں پر اسکالر کا مطالبہ کیا گیا ہے جو فلسطین سے متعلق مسائل پر بات کرے جس میں آباد کار استعمار، نسل کشی، انسانی حقوق، نسل پرستی، ہجرت، آب و ہوا اور بنیادی ڈھانچے کی تباہی، صحت، نسل، جنس اور جنسیت وغیر شامل تھا۔
