نیویارک: امریکی تاریخ میں پہلی بار نیویارک پولیس ہیڈ کوراٹر میں سرکاری طور پر حجاب ڈے کے خصوصی پروگرام کا انعقاد کیا گیا۔
تفصیلات کے مطابق یکم فروری کو دنیا بھر کے 140 ممالک میں عالمی یوم حجاب کی سالانہ تقریب منعقد کی جاتی ہے، جس کی بنیاد ناظمہ خان نے 2013 میں رکھی تھی، رواں سال یکم فروری کو نیویارک پولیس نے بھی یہ دن باقاعدہ طور پر منایا۔
اس موقع پر مسلمان خواتین سے یکجہتی کے لیے نیویارک پولیس کی غیر مسلم خواتین نے بھی حجاب لیا ہوا تھا، تقریب میں نیویارک پولیس میں کام کرنی والی باحجاب خواتین، پولیس کے اعلیٰ عہدے داران، مسلم افسر سوسائٹی کے صدر عدیل رانا، پاکستان قونصل جنرل عامر خان اور حجاب ڈے کی بانی بنگالی نژاد امریکی خاتون ناظمہ خان سمیت مسلم کمیونٹی سے بڑی تعداد میں خواتین شریک ہوئیں۔
Today, we celebrated @WorldHijabDay at headquarters with our members of service and community leaders. This was truly a wonderful occasion embracing diversity, and inclusion amongst our Muslim members in our rank and file and communities we serve. @NYPDPC @NYPD1stDep pic.twitter.com/FAAjXkm7GP
— Deputy Commissioner Employee Relations Lisa White (@NYPDdcer) February 2, 2024
Today, at Police Headquarters, we had the honor of celebrating World Hijab Day #WorldHijabDay pic.twitter.com/rrWXl4eEhz
— NYPD Illyrian Society (@IllyrianSociety) February 1, 2024
حجاب ڈے کی بانی ناظمہ خان کا کہنا تھا کہ 9/11 کے بعد مسلم خواتین کی خلاف بڑھتی ہوئی نفرت دیکھ کر انھیں اس کا خیال آیا تاکہ پوری دنیا کو بتا سکیں کہ ہم اس پر فخر محسوس کرتے ہیں، انھوں نے فرانس سمیت یورپ کے مختلف میں ممالک پردے کے خلاف اقدامات پر افسوس کا اظہار کیا۔
The history behind World Hijab Day is a testament to bravery and togetherness. To support this mission, LaunchGood is providing $5000 matching funding to World Hijab Day if this campaign raises $5000.
To support, visit https://t.co/pRZKwilCwO
Your donation supports:… pic.twitter.com/8nLoZGat4n
— World HijabDay (@WorldHijabDay) February 1, 2024
مسلم افسر سوسائٹی کے صدر عدیل رانا نے کا کہنا تھا کہ حجاب ہماری مسلم خواتین کو پیشہ ورانہ ذمہ داریوں سے نہں روکتا، دیگر پولس افسران نے خطاب کرتے ہوئے کہا کہ نیویارک پولیس ایک ایسا محمکہ ہے جو رنگ نسل و مذیب سے بالاتر ہو کر اپنے ممبران کو اہمیت دیتا ہے، جہاں ان کو مذہبی آزادی بھی حاصل ہے۔ اس موقع پر خواتین میں اسکارف بھی تقسیم کیے گئے۔
