The news is by your side.

Advertisement

کرائسٹ چرچ سانحے میں شہید ہونے والا پہلا پاکستانی سپرد خاک

کرائسٹ چرچ: نیوزی لینڈ سانحے میں شہید ہونے والے پہلے پاکستانی سید جہاں داد کو آہوں اور سسکیوں کے ساتھ سپرد خاک کردیا گیا۔

تفصیلات کے مطابق دہشت گرد حملے میں شہید پاکستانیوں کی تدفین کا عمل شروع ہوچکا ہے، دیگر پاکستانیوں کو بھی سپردخاک کیا جائے گا۔

سانحے میں شہید ہونے والے پہلے پاکستانی کی تدفین کردی گئی، سیدجہاں داد کو میوریل پارک میں واقع قبرستان میں سپردخاک کیا گیا۔

سیدجہاں داد شہید کا تعلق لاہورسےتھا، دو مساجد پر دہشت گرد حملے میں 9 پاکستانی شہید ہوئے تھے۔

قبل ازیں نیوزی لینڈ میں مساجد پر فائرنگ کے نتیجے میں شہید شامی باپ بیٹے کو بھی سپرد خاک کیا گیا تھا، خالد مصطفیٰ اور بیٹے حمہز کی تدفین میں بھی شہریوں کی بڑی تعداد شریک ہوئی۔

سانحہ کرائسٹ چرچ: شام سے تعلق رکھنے والے شہید باپ بیٹے کو سپردخاک کردیا گیا

نیوزی لینڈ کے شہر کرائسٹ چرچ میں دو مساجد پر دہشت گرد حملے کے بعد شہر میں پہلی نماز جمعہ آج ادا کی جائے گی۔

کرائسٹ چرچ میں گزشتہ جمعے کو ایک آسٹریلوی دہشت گرد نے مساجد پر حملہ کر کے 50 مسلمانوں کو شہید کر دیا تھا، جس کے بعد مغربی ممالک میں مسلمانوں کو سلامتی کے خدشات لاحق ہو گئے تھے۔

Comments

comments

یہ بھی پڑھیں