The news is by your side.

Advertisement

کامن ویلتھ گیمز، نیوزی لینڈ نے قومی ٹیم کو ہرادیا

برمنگھم: کامن ویلتھ گیمز میں نیوزی لینڈ نے پاکستان ہاکی ٹیم کو شکست دے دی ہے۔

تفصیلات کے مطابق برمنگھم میں کھیلے گئے گروپ میچ میں نیوزی لینڈ نے قومی ٹیم کو1-4 با آسانی زیر کرلیا۔

حریف ٹیم میچ کے آغاز سے ہی پاکستان پر حاوی رہی، پہلے ہاف میں دو گول کیے، دونوں گول اسٹرائیکر ہیوگو انگلس نے بالترتیب 17 اور 18 ویں منٹ میں کئے۔

پاکستان کی جانب سے دوسرے ہاف میں غضنفر علی نے گول کرکے برتری کم کی لیکن نیوزی لینڈ نے آخری دو ہاف میں بھی ایک ایک گول جڑ دیا۔

نیوزی لینڈ کے ہاتھوں شکست کے بعد قومی ٹیم چوتھی پوزیشن پر پہنچ گئی جبکہ کیویز پہلی پوزیشن پر براجمان ہوگئے۔

نیوزی لینڈ سے شکست کے بعد قومی ہاکی ٹیم کے اگلے مرحلے تک رسائی معدوم ہوگئی ہے، پاکستان اپنے آخری دو میچز اسکاٹ لیںڈ اور آسٹریلیا کے خلاف بالترتیب 3، 4 اگست کو کھیلے گی۔

پہلے مقابلے میں پاکستان نے جنوبی افریقہ کے خلاف میچ دو دو گول سے برابر کیا تھا۔

Comments

یہ بھی پڑھیں