لاہور: نیوزی لینڈ کرکٹ بورڈ نے کورونا کے مشکل حالات میں دورہ کرنے پر پاکستان کرکٹ بورڈ اور اسکواڈ کا شکریہ ادا کیا۔
تفصیلات کے مطابق نیوزی لینڈ کرکٹ بورڈ نے سماجی رابطے کی ویب سائٹ ٹویٹر پر اپنے پیغام میں کہا کہ نیوزی لینڈ کرکٹ پاکستان کرکٹ ٹیم کی مشکور ہے جس نے ان مشکل حالات میں نیوزی لینڈ کا دورہ کیا۔
کیوی بورڈ کا کہنا ہے کہ اس دورے کے لیے پاکستان کرکٹ ٹیم کی دی گئی قربانیوں کو سراہتے ہیں اور آپ کی محفوظ وطن واپسی کے لیے نیک تمناؤں کا اظہار کرتے ہیں۔
نیوزی لینڈ کرکٹ کی جانب سےقومی اور کیوی کھلاڑیوں کی میدان میں مصافحہ کرنے کی تصاویر بھی شیئر کیں۔
Haere rā @TheRealPCB 👋 🇵🇰
We appreciate the effort and sacrifice you made to make this tour happen 🏏
Wishing you a safe journey home ✈️ #NZvPAK #CricketNation
📷 = @PhotosportNZ pic.twitter.com/HkTh3WWkgf— BLACKCAPS (@BLACKCAPS) January 7, 2021
واضح رہے کہ قومی ٹیم نے کورونا کے سخت پروٹوکولز میں نیوزی لینڈ کا دورہ کیا، قومی ٹیم کو 14 روز کا مشکل قرنطینہ مکمل کرنا پڑا، اس دوران بعض کرکٹرز کے کورونا ٹیسٹ مثبت آنے پر اسکواڈ کو ٹریننگ کی اجازت نہیں ملی تھی۔
یاد رہے کہ نیوزی لینڈ نے پاکستان کو تین ٹی ٹوینٹی میچز کی سیریز میں 2-1 جبکہ دو ٹیسٹ میچز کی سیریز میں 2-0 سے شکست دی تھی۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں