نیوزی لینڈ کرکٹ انتظامیہ نے پاکستان کے مڈل آڈر اعظم خان کی انٹری کے وقت میدان میں معروف ڈبلیو ڈبلیو ای ریسلر بگ شو کا گانا بجا دیا۔
پاکستان اور نیوزی لینڈ کی ٹیمیں 5 میچز پر مشتمل ٹی 20 سیریز کے تیسرے میچ میں مدمقابل تھیں جہاں میزبان ٹیم نے مہمان ٹیم کو 45 رنز سے شکست دے کر سیریز میں 0-3 کی واضح برتری حاصل کی۔
نیوزی لینڈ نے پہلے بیٹنگ کرتے ہوئے مقررہ 20 اوورز میں 7 وکٹوں کے نقصان پر 224 رنز بنائے جبکہ پاکستان ٹیم نے مقررہ اوورز میں 7 وکٹوں کے نقصان پر 179 رنز پر ڈھیر ہوگئی۔
Pathetic from the hosts to play The Big Show's entrance music when Azam Khan came out to bat. @TheRealPCB should take it up with @BLACKCAPS 👎🏼👎🏼👎🏼 #NZvsPAK https://t.co/sT2mxV7fog
— Farid Khan (@_FaridKhan) January 17, 2024
تاہم اس میچ میں ایک واقعے کی ویڈیو سوشل میڈیا پر وائرل ہورہی ہے جس کے بعد پاکستانی فینز نیوزی لینڈ کی انتظامیہ پر تنقید کررہے ہیں۔
پاکستان کرکٹ ٹیم کے مڈل آڈر بیٹر و کیپر اعظم خان اپنی صحت کی وجہ سے اکثر سوشل میڈیا پر ٹرولنگ کا شکار ہوتے ہیں تاہم ایک انٹرنیشنل سیریز کے گراؤنڈ میں انہیں ٹرول کیا گیا۔
سوشل میڈیا پر وائرل ویڈیو میں دیکھا جاسکتا ہے کہ جب پاکستان کی اننگز کے دوران وکٹ کیپر بیٹر اعظم خان بیٹنگ کرنے آئے تو انٹری کے وقت میدان میں انتظامیہ نے معروف ڈبلیو ڈبلیو ای ریسلر بگ شو کا گانا بجا دیا۔
ویڈیو سوشل میڈیا پر وائرل ہونے کے بعد پاکستانی مداحوں نے پاکستان کرکٹ بورڈ سے مطالبہ کررہے ہیں کہ نیوزی لینڈ کرکٹ بورڈ سے اس حوالے سے سوال کیا جائے۔
