برمنگھم: نیوزی لینڈ نے مہمان ٹیم انگلینڈ کو دوسرے ٹیسٹ میں آٹھ وکٹوں سے شکست دیتے ہوئے بڑا اعزاز اپنے نام کرلیا ہے۔
تفصیلات کے مطابق انگلینڈ اور نیوزی لینڈ کے درمیان جاری دوسرے ٹیسٹ کا فیصلہ چوتھے دن ہی ہوگیا، انگلینڈ نے محض 41 رنز کا ہدف دیا، جسے کیویز نے دو وکٹوں کے نقصان پر حاصل کرلیا۔
اسی فتح کے ساتھ نیوزی لینڈ بائیس سال بعد ہوم گراؤنڈ میں انگلینڈ کو شکست دینے میں کامیاب ہوئی، کیویز نے انگلش سرزمین پر آخری بار ٹیسٹ سیریز 1999 میں جیتی تھی۔
Every Test win is special #ENGvNZ pic.twitter.com/fNX1sHuKRe
— BLACKCAPS (@BLACKCAPS) June 13, 2021
نیوزی لینڈ بولرز نے انگلینڈ کے خلاف دوسری اننگز میں شاندار کارکردگی کا مظاہرہ کرتے ہوئے اسے 122 رنز پر آل آؤٹ کیا، میٹ ہنری اور نیل والنگر مہمان ٹیم پر قہر بن کر ٹوٹے اور 3، تین کھلاڑیوں کا شکار کیا ، فاسٹ بولر ٹرینٹ بولٹ اور اعجاز پٹیل نے بھی 2 دو کھلاڑیوں کو آؤٹ کیا۔
اس سے قبل انگلینڈ اپنی پہلی اننگز میں 303 رنز بناکر آؤٹ ہوئی، نیوزی لینڈ نے انگلینڈ کی پہلی اننگز کے جواب میں 388 رنز بنائے اور اسے 85 رنز کی برتری حاصل ہوئی ۔
Series win! The team's first in a Test series in England since 1999. Skipper Tom Latham hits the winning runs to secure an eight wicket win. Scorecard | https://t.co/IFSDQOw09C #ENGvNZ pic.twitter.com/Ub7EL944jS
— BLACKCAPS (@BLACKCAPS) June 13, 2021
نیوزی لینڈ کی جانب سے پہلی اننگز میں ڈیوڈ کاوے80، ولینگ 82، اور روز ٹیلر نے 80 رنز بنائے تھے، انگلینڈ کی جانب سے اسٹیورٹ براڈ نے 4 کھلاڑیوں کو آؤٹ کیا تھا۔
واضح رہے کہ انگلینڈ اور نیوزی لینڈ کے درمیان لارڈز میں کھیلا گیا پہلا ٹیسٹ میچ ہار جیت کے فیصلے کے بغیر ختم ہوگیا تھا۔
