کراچی : جناح اسپتال سے نومولود بچی کو اغوا کرلیا گیا ،بچی کی ولادت گزشتہ روز ہوئی تھی، پولیس کا کہنا ہے کہ سی سی ٹی وی فوٹیج کی مدد سے خاتون کی تلاش جاری ہے۔
تفصیلات کے مطابق کراچی میں جناح اسپتال کے زچہ بچہ وارڈ سے نومولود بچی کو اغوا کرلیا گیا ، بچی کے اغوا کی سی سی ٹی وی فوٹیج اے آر وائی نیوز نے حاصل کرلی۔
فوٹیج میں خاتون کو اسپتال کے مین گیٹ سے نکلتے دیکھا جاسکتا ہے، بچی کو رات 2 بجے کے قریب ایک خاتون اپنے ساتھ لے گئی۔
پولیس حکام نے بتایا کہ بچی کی ماں بلدیہ یوسف گوٹھ کی رہائشی ہے، واقعہ کے حوالے سے تحقیقات کر رہے ہیں اور سی سی ٹی وی فوٹیج کی مدد سے خاتون کی تلاش جاری ہے۔
جناح اسپتال سے نو مولودبچی کے اغوا پر اہلخانہ نے احتجاج کیا ، اہلخانہ کا کہنا تھا کہ ماں کی آنکھ لگ گئی اس دوران نامعلوم خاتون بچی کواٹھاکرلےگئی، خاتون نے گارڈز کو بتایا کہ میں ان کی رشتہ دار ہوں۔
اہلخانہ نے مطالبہ کیاکہ گارڈزنےکیسےجانےدیاتحقیقات کی جائے، سی سی ٹی وی کیمروں کی فوٹیجز بھی نہیں دکھائی جارہی۔
بلدیہ یوسف گوٹھ کے رہائشی محمداسماعیل کی بچی کی ولادت گزشتہ روز ہوئی تھی۔
