کراچی: قطر اسپتال سے اغوا کئے گئے نومولود بچے کو بازیاب کرالیا گیا ہے۔
تفصلات کے مطابق کراچی کے علاقے اورنگی ٹاؤن میں قطر اسپتال سے اغوا کئے گئے ایک دن کے بچے کو بازیاب کرالیا گیا، اغوا کار خاتون کی نشاندہی پر کارروائی کی گئی، کارروائی میں 5خواتین سمیت 10افراد کو گرفتار کیا گیا ہے۔
Newborn kidnapped from Karachi hospital… by arynews
بچےکو سہراب گوٹھ کے قریب مچھر کالونی سے بازیاب کرایا گیا۔
پولیس کے مطابق ایک دن کا بچہ اغوا کرنے والی خاتون کو سی سی ٹی وی فوٹیج کی مدد سے پولیس نے گرفتار کیا، اغواکار خاتون کو تفتیش کیلئے تھانے منتقل کر دیا گیا ہے جہاں خاتون سے تفتیش جاری ہے۔
ملزمان نے اعتراف کیا ہے کہ انھوں نے بچہ اغوا کیا تھا، ایس پی اورنگی
ایس پی اورنگی نے اے آر وائی نیوز سے گفتگو کرتے ہوئے کہا کہ اغواء کارخاتون سمیت پوراگینگ گرفتار کرلیا گیا ہے، ملزمان نے اعتراف کیا ہے کہ انھوں نے بچہ اغوا کیا تھا اور چار ماہ پہلے بھی قطراسپتال سےاغواء ہونے والے بچے میں بھی یہی گینگ ملوث ہونے کا خدشہ ہے اس کے لئے تفتیش کا آغاز کردیا گیا ہے اور اغوا کار خاتون سے مزید تفتیش کی جائے گی۔
یاد رہے کہ گذشتہ روز اورنگی ٹاون میں واقع قطر اسپتال سے ایک دن کے بچے کو اغوا کر لیا گیا تھا، واقع کی اطلاع ملنے پر پولیس نے تحقیقات شروع کر دی تھیں اور اسپتال کے سی سی ٹی وی کیمروں کا ریکارڈ تحویل میں لے لیا تھا۔
