اسلام آباد: وزارت مذہبی امور نے نوزائیدہ بچوں کو حج پر لے جانے کی پالیسی جاری کر دی۔
اے آر وائی نیوز کے مطابق وزارت مذہبی امور کی جانب سے جاری کی گئی نئی پالیسی کے تحت اس کا اطلاق 5ستمبر2018 کے بعد پیدا ہونے والے بچوں پر ہوگا۔
نوزائیدہ بچوں کےحج پیکج میں بھی گزشتہ 3سالوں میں دگنا اضافہ سامنے آگیا۔ وزارت مذہبی امور کا کہنا ہے کہ نوزائیدہ بچوں کا سفری کرایہ مجموعی کرائے کا 10فیصد ہوگا۔
پالیسی کے تحت جنوبی ریجن کے نوزائیدہ بچوں کا حج پیکج31ہزار882روپے مقرر کیا گیا ہے۔ جبکہ شمالی ریجن کے نوزائیدہ بچوں کاحج پیکج32ہزار657 روپے ہوگا۔
رواں سال حج اخراجات سے متعلق عازمین کے لیے بڑی خبر
خیال رہے کہ دو روز قبل ترجمان وزارت مذہبی امور عمران صدیقی کا کہنا تھا کہ حج اخراجات میں صرف27ہزار روپے اضافہ کیا گیا، گزشتہ سال کی طرح اس سال بھی 80سے 90 فیصدحاجی روڈ ٹو مکہ کا فائدہ اٹھا سکیں گے۔
ترجمان وزارت مذہبی امور عمران صدیقی نے اے آر وائی نیوز کے پروگرام باخبرسویرا میں گفتگو کرتے ہوئے کہا تھا کہ حج اخراجات میں صرف27ہزارروپے اضافہ کیا گیا، انشورنس اور ویزا فیس میں سعودی عرب نے110 ریال کا اضافہ کیا۔
