بھارت کے ضلع اٹاوہ میں نوبیاہتا دلہن نے اپنی زندگی کا خاتمہ کرلیا کیونکہ شوہر نے ساتھ تصویر بنوانے سے انکار کردیا تھا۔
غیر ملکی ذرائع ابلاغ کے مطابق نودھنا گاؤں کے رہنے والے برجیندر سنگھ نے بتایا کہ اس کی شادی اوریا اجیتمل تھانہ چٹکاپور گاؤں کی پرتیکشا سے ہوئی تھی۔
بیوی نے مندر میں اپنے ساتھ تصویر لینے کیلئے کہاتو میں نے انکار کردیا۔ اس پر بیوی طیش میں آگئی، اس نے پیر کی رات اپنے کمرے میں خودکشی کرلی۔
پولیس ذرائع کا کہنا ہے کہ پوسٹ مارٹم رپورٹ آنے پر مناسب کارروائی کا آغاز کیا جائے گا۔
اس سے قبل اپنی ماں کے قتل کے الزام میں 19 سال سے قید مجرم نے پیرول پر گھر آتے ہی بھائی کو قتل کر دیا، پولیس نے ملزم کو حراست میں لے لیا۔
تفصیلات کے مطابق بھارتی ریاست کیرالہ میں قتل کا ایک گھناؤنا واقعہ سامنے آیا ہے، اپنی ماں کے قتل کے جرم میں جیل جانے والے بیٹے نے پیرول پر گھر آتے ہی بھائی کو قتل کر دیا۔
بھارتی میڈیا رپورٹ میں بتایا گیا ہے کہ 64 سالہ ملزم موہنن انییتھن گزشتہ 19 سال سے ماں کے قتل کے الزام میں عمر قید کی سزا کاٹ رہا تھا۔
گزشتہ روز اسے پیرول پر رہا کیا گیا تو اس نے جاکر اپنے چھوٹے بھائی 58 سالہ ستیش کمار کو موت کے گھاٹ اتار دیا۔
رپورٹ کے مطابق کیرالہ پولیس کا کہنا ہے کہ ملزم انییتھن 2005 میں خاندانی تنازعہ کے باعث اپنی والدہ کے قتل کے جرم میں عمر قید کی سزا کاٹ رہا تھا۔
معصوم بچے پر آوارہ کتوں کا حملہ، دلخراش ویڈیو وائرل
پولیس حکام کے مطابق اننیتھن پیرول پر باہر آنے کے بعد سیدھا اپنے بھائی کے گھر گیا اور اس پر حملہ کردیا۔ واقعہ کے بعد فرار ہونے والے اننیتھن کو اڈور پولیس نے ایک گھنٹے کے اندر گرفتار کرلیا۔
