The news is by your side.

Advertisement

نیوز اینکر گاڑیوں کی بیٹریاں چوری کرنے کے جرم میں گرفتار

کراچی: کلفٹن پولیس نے گاڑیوں کی بیٹریاں اور ساؤنڈ سسٹم چوری کرنے والا ایک جوڑا گرفتار کیا ہے، جس کی کہانی نے سب کو چونکا دیا۔

تفصیلات کے مطابق ڈیفینس کے علاقے سے پولیس نے ایک جوڑے کو حراست میں لیا، جس کے پاس سے اسلحہ بھی برآمد ہوا۔

ایس پی کلفٹن سوہا عزیز کے مطابق جوڑے کا تعلق میڈیا انڈسٹری سے رہا ہے، شوہر شعیب احمد انٹرمیڈیٹ ہے، جب کہ بیوی زہرہ بہ طور نیوز اینکر کام کر چکی ہے۔ دونوں کو ڈیفینس فیز ٹو میں ہونے والے آپریشن میں گرفتار کیا گیا۔

ایک کامیاب میڈیا پرسن کے اس حال میں پہنچنے کے پیچھے منشیات کی لت ہے، میاں بیوی کچھ عرصے سے بے روزگار تھے، وہ آئس کے نشے کی لت میں مبتلا تھے اور اپنی ضروریات پورے کرنے کے لیے چوریاں کیا کرتے تھے۔


مزید پڑھیں: کراچی: رینجرز کی کارروائی، ایم کیو ایم لندن کے بھتہ خوروں سمیت 13 ملزمان گرفتار


جوڑے کے پاس رہنے کو گھر بھی نہیں تھا، وہ فٹ پاتھ پر رات گزرتے تھے اور صبح اپنے نشے کی طلب پورنے کرنے  کے لیے نکل پڑتا، پولیس نے ان افراد کو بھی شناخت کر لیا، جنھیں یہ گروہ بیٹریاں بیچا کرتا تھا۔

پریس کانفرنس کے بعد میڈیا سے گفتگو کرتے ہوئے زہرہ نے تمام الزامات سے انکار کیا اور کہا کہ اِسے اس کے شوہر کے جرم میں گرفتار کیا گیا ہے۔

Comments

comments

یہ بھی پڑھیں