امریکا میں براہ راست نشریات کے دوران نیوز اینکر آپے سے باہر ہوگیا جس کی ویڈیو سوشل میڈیا پر وائرل ہوگئی۔
غیرملکی خبررساں ادارے کی رپورٹ کے مطابق امریکی ریاست میکسیکو سے تعلق رکھنے والا ایک نیوز اینکر براہ راست نشریات کے دوران غصے میں آگیا اور سیگمنٹ کے دوران چیخنے چلانے لگا۔
ویڈیو میں دیکھا جاسکتا ہے کہ نیوز اینکر چیختے ہوئے اینٹی ویکسرز کو کورونا سے بچاؤ کے لیے ماسک پہننے کا کہہ رہا ہے۔
نیوز اینکر نے کہا کہ اگر آپ نے ویکسین نہیں لگوائی تو آپ بے وقوف ہیں چہرے پر ماسک پہنیں۔
🖥#VíaZoom Leonardo Schwebel (@LeoSchwebel), conductor de @TelediarioGDL, habla sobre su vídeo viral donde arremetió contra las personas que niegan a vacunarse.
"Pónganse el m#ldito cubrebocas"#TelediarioEnEl6 | #EnDirecto https://t.co/VqUPqVgacF pic.twitter.com/eA3dtHVj0i
— @telediario (@telediario) January 17, 2022
لیونارڈو کی ویڈیو سوشل میڈیا پر تیزی سے وائرل ہورہی ہے اور اس پر سوشل میڈیا صارفین کی جانب سے دلچسپ تبصرے بھی کیے جارہے ہیں۔
نیوز اینکر نے بعدازاں ردعمل دیتے ہوئے کہا کہ کیمرے پر چیخنے کا افسوس ہے لیکن کبھی کبھی آپ کو لوگوں کو سمجھانے کے لیے چیخنا پڑتا ہے۔
انہوں نے مزید کہا کہ کورونا سے اتنی زیادہ اموات اور کیسز رپورٹ ہوئے ہیں اور اب ہم ملکی تاریخ کے بدترین ہفتے کا سامنا کررہے ہیں لہٰذا میں نہیں جانتا کہ ہم کس حد تک سمجھ سکتے ہیں کہ یہ بہت سنگین ہے۔
سینئر اینکر نے مزید کہا کہ انہیں اس بات کی کوئی پرواہ نہیں کہ ان کے غصے کے لیے انہیں پاگل کہا جائے لیکن لوگوں کو وبا سے بچاؤ کے لیے ماسک پہننا چاہیے۔
