نیویارک : اقوام متحدہ میں پاکستانی مشن کے زیر اہتمام منعقد ہونے والے فلم فیسٹیول میں اے آر وائی کے بینر تلے بننے والی فلموں کی نمائش کی گئی جہاں اے آر وائی کے سی ای او سلمان اقبال نے بھی خصوصی طور پر شرکت کی۔
عالمی دنیا میں پاکستان کا روشن پہلو اجاگر کرنے کیلئے اقوام متحدہ میں پاکستان کی مندوب ملیحہ لودھی نے نیو یارک میں پاکستان فلم فیسٹیول کا انعقاد کیا، جہاں دیگر فلموں سمیت اے آر وائی کی چار بہترین فلموں کی نمائش کی گئی، جس میں دوبارہ پھر سے، لاہور سے آگے، ہو من جہاں اور تین بہادر شامل تھیں۔
ملیحہ لودھی پاکستانی مندوب اقوام متحدہ فلم فیسٹیول میں اے آر وائی کے سی ای او سلمان اقبال اور صبیحہ خانم سمیت فنکاروں کی شرکت نے فیسٹیول کو چار چاند لگا دیئے۔
اے آر وائی کی فلموں کی نمائش کے دوران سینما ہال لوگوں سے بھر نظر آئے اور جسے جگہ نہ ملی اس نے سیڑھیوں پر بیٹھ کر فلموں کا مزہ لیا۔
فلم فیسٹیول کا آغاز اقوام متحدہ میں ریڈ کارپیٹ ریسیپشن سے کیا گیا جبکہ اس موقع پر شائقین نے فلم انڈسٹری کی دوبارہ بحالی کیلئے اے آر وائی نیٹ ورک کے سی ای او سلمان اقبال کی کاوشوں کو خراج تحسین پیش کیا۔
اقوام متحدہ کے ڈپٹی سیکرٹری جنرل جا ن ایلیسان نے جو اس موقع پر مہمان خصوصی تھے اقوام متحدہ میں پاکستانی مشن کو دوروزہ میلے کا اہتمام کرنے پر مبارکباد دی۔
