The news is by your side.

Advertisement

نیشنل ہائی وے اتھارٹی میں جیوگرافک سسٹم کا اجرا

اسلام آباد: وفاقی وزیر برائے مواصلات مراد سعید کا کہنا ہے کہ اداروں میں شفافیت کو یقینی بنانے پر توجہ مرکوز ہے، نیشنل ہائی وے اتھارٹی (این ایچ اے) کی 2 سالہ کارکردگی عوام کے سامنے پیش کی جائے گی۔

تفصیلات کے مطابق وفاقی وزیر برائے مواصلات مراد سعید نے نیشنل ہائی وے اتھارٹی (این ایچ اے) جیوگرافک سسٹم کے اجرا کی تقریب سے خطاب کرتے ہوئے کہا کہ این ایچ اے کے تمام منصوبوں میں جی آئی ایس کا اطلاق کریں گے۔ این ایچ اے کو استحکام کی طرف لے کر جانا ہے۔

مراد سعید کا کہنا تھا کہ اداروں میں شفافیت کو یقینی بنانے پر توجہ مرکوز ہے، ادارے کی 2 سالہ کارکردگی عوام کے سامنے پیش کی جائے گی، ٹھوس پالیسیوں سے مختلف محاذوں پر کامیابی مل رہی ہے، چیلنجز کے باوجود معاشی صورتحال میں بہتری آئی ہے۔

انہوں نے کہا کہ حیدر آباد سکھر موٹر وے کی منظوری ایکنک نے دے دی ہے، آئی پی پیز سے معاہدے سے عوام کو ریلیف ملے گا۔ آئی پی پیز سے مہنگی بجلی خریدی جاتی تھی۔ وزیر اعظم نے مہنگی بجلی کی انکوائری کروائی، اب ثمرات ملیں گے۔

مراد سعید کا کہنا تھا کہ کرونا وائرس کی وبا کو پاکستان نے جس طرح کنٹرول کیا وہ ایک مثال ہے۔ کرونا وائرس کے باعث امریکا اور بھارت میں کروڑوں لوگ بے روزگار ہوئے، وزیر اعظم عمران خان نے کہا لوگوں کو بیروزگاری اور بھوک سے بچانا ہے۔

انہوں نے مزید کہا کہ ملکی تاریخ میں پہلی بار غذائی قلت کے مسئلے پر قابو پانے کے پروگرام کا آغاز ہوا، زرمبادلہ کے ذخائر، اسٹاک مارکیٹ اور دیگر اشاریے بہتر ہو رہے ہیں۔

Comments

یہ بھی پڑھیں