افریقی ملک نائجر نے امریکا سے فوجی تعلقات ختم کرنے کا اعلان کر دیا۔
حکمران فوج کے ترجمان کرنل عمادو عبدرامانے کے مطابق نائجر نے امریکا کے ساتھ اپنے فوجی معاہدے کو "فوری طور پر” معطل کر دیا ہے۔
اس فیصلے سے خطے میں امریکی سلامتی کے مفادات کو دھچکا لگا ہے۔
معاہدے کے تحت امریکی فوجی اہلکاروں اور شہری دفاع کے عملے کو نائجر سے کام کرنے کی اجازت دی گئی تھی جو افریقہ کے ساحل کے علاقے میں امریکی فوج کی کارروائیوں میں مرکزی کردار ادا کرتا ہے اور اس کا ایک بڑا ایئربیس ہے۔
اس فیصلے کا اعلان اس وقت کیا گیا جب اسسٹنٹ سیکریٹری آف اسٹیٹ برائے افریقی امور مولی پھی اور امریکی افریقہ کمانڈ کے سربراہ جنرل مائیکل لینگلی کی قیادت میں سینئر امریکی حکام نے جمہوری منتقلی پر بات چیت کے لیے اس ہفتے کے اوائل میں مغربی افریقی ملک کا دورہ کیا۔
مقامی ٹیلی ویژن پر بات کرتے ہوئے عبدالرمانے نے کہا کہ امریکی وفد نے سفارتی پروٹوکول پر عمل نہیں کیا اور نائجر کو وفد کی تشکیل، اس کی آمد کی تاریخ یا ایجنڈے کے بارے میں مطلع نہیں کیا گیا۔
عبدرمانے نے کہا کہ نائجر کو امریکی وفد کے خودمختار نائجیرین عوام کو اپنے شراکت داروں اور شراکت کی اقسام کے انتخاب کے حق سے انکار کرنے کے ارادے پر افسوس ہے جو دہشت گردی کے خلاف جنگ میں ان کی حقیقی معنوں میں مدد کر سکتے ہیں۔
