نائجیریا سے امریکا جانے والی مسافر پرواز کو زبردست جھٹکا لگنے سے 6 مسافر شدید زخمی ہو گئے ہیں، اور طیارہ اچانک 185 فٹ نیچے آ گیا، جس پر طیارے کو ہنگامی لینڈنگ کرنی پڑی۔
میڈیا رپورٹس کے مطابق جمعہ کو نائجیریا سے واشنگٹن ڈی سی جانے والی امریکا کی یونائیٹڈ ایئرلائنز کی پرواز کو تکنیکی خرابی کے سبب لاگوس میں ہنگامی لینڈنگ کرنا پڑ گئی۔
فلائٹ ریڈار 24 سے حاصل کردہ پرواز کے ڈیٹا سے پتا چلتا ہے کہ پرواز 613 ٹیک آف کے تقریباً 93 منٹ بعد طے شدہ اونچائی سے اچانک نیچے اترنے لگی تھی، اور اس سے قبل پرواز کو اچانک زبردست جھٹکا لگا تھا، جس سے طیارے کے اندر افراتفری پھیل گئی۔
جھٹکے کے باعث 4 مسافروں اور 2 فلائٹ اٹینڈنٹ شدید زخمی ہوئے، جنھیں اسپتال لے جایا گیا، تاہم انھیں طبی امداد کے بعد فارغ کر دیا گیا ہے۔ یونائیٹڈ ایئرلائن نے ایک بیان میں کہا کہ حادثہ ایک ’تکنیکی مسئلے‘ کی وجہ سے پیش آیا، جس کی تحقیقات کی جا رہی ہے۔
’سوری سوری‘ امریکی گلوکارہ سیلینا گومز تارکین وطن کی ملک بدری پر رو پڑیں (ویڈیو)
رپورٹس کے مطابق میں دوران پرواز اچانک 185 فٹ نیچے جانے پر طیارے میں شدید جھٹکوں سے 40 مسافر زخمی ہوئے تھے، دوران پرواز طیارے کے ہچکولے کھانے اور مسافروں کی چیخ و پکار کی ویڈیو بھی وائرل ہو گئی ہے۔
طیارے میں عملے کے 11 ارکان سمیت 245 افراد سوار تھے، پرواز نائجیریا کے مورطالا محمد انٹرنیشنل ایئرپورٹ سے روانہ ہوئی تھی، تاہم پریشر نہ ہونے کے باعث اس نے واپس ہنگامی لینڈنگ کی۔
سامنے آنے والی ویڈیوز اور تصاویر میں دیکھا جا سکتا ہے کہ جھٹکوں کی وجہ سے طیارے کے اندر سامان بکھرا پڑا ہے۔
