ملتان : حرم گیٹ کے علاقے میں عمارت گرنے سے دو خاندانوں کے نو افراد جاں بحق جبکہ دو شدید افراد زخمی ہوگئے۔
تفصیلات کے مطابق ملتان کے علاقہ حرم گیٹ کے محلہ جوادیاں کے دو خاندانوں پر قیامت ٹوٹ پڑی، تین منزلہ عمارت منہدم ہونے سے نو افراد ملبے تلے دب کر جاں بحق اور دو شدید زخمی ہوگئے۔
امدادی کارروائی کے دوران ملبے سے نکالے گئے آٹھ میں سے چھ افراد جان کی بازی ہار گئے تاہم مزید تلاش کرنے پر باقی تین افراد کی لاشیں بھی برآمد ہوگئیں۔
- Advertisement -
ڈپٹی کمشنررضوان قدیر نے بتایا کہ 2افراد کو شدید زخمی حالت میں اسپتال منتقل کیا گیا اور ریسکیوآپریشن مکمل کرلیا ہے، عمارت گرنے کی مکمل تحقیقات کرائی جائے گی۔
ڈپٹی کمشنر نے اطراف کی عمارتوں کے معائنہ کیلئے ٹیکنیکل ٹیم تشکیل دے دی۔
