گھر شماری کے لیے صرف 3 روز رکھنے پر اعتراض ہے، کھوڑو Nisar khoro
The news is by your side.

Advertisement

متحدہ کا نمبر ون میئر آج انہی کی قلعی کھول رہا ہے، کھوڑو

حیدرآباد: پیپلز پارٹی کے سینئر رہنما نثار کھوڑو نے کہا ہے کہ سندھ میں مردم شماری دو مراحل میں ہوگی، پہلے مرحلے میں گھر شماری اور دوسرے میں مردم شماری ہوگی، گھر شماری کے لیے صرف تین روز مختص کرنے پر اعتراض ہے۔

حیدر آباد میں میڈیا سے بات چیت کرتے ہوئے نثار کھوڑو کا کہنا تھا کہ مردم شماری دو مراحل میں ہوگی جس میں ایک مرحلہ گھر شماری کا بھی ہے تاہم گھر شماری کے لیے صرف تین روز مختص کیے گئے ہیں جس پر ہمیں تحفظات ہیں جب کہ مردم شماری میں سروے کے لیے 10 روز رکھے گئے ہیں۔

مردم شماری پر انہوں نے کہا کہ وفاق مردم شماری کرانے میں سنجیدہ نہیں، سپریم کورٹ کے شوکاز نوٹس کے بعد وفاق مردم شماری کرارہی ہے۔

فاروق ستار کی جانب سے نئے صوبوں کے مطالبے کو مسترد کرتے ہوئے انہوں نے کہا کہ یہ مطالبہ بلاجواز ہے، فاروق ستار کی جماعت ٹوٹ گئی ہے ان کے قائد ان سے جدا ہوچکے ہیں،فاروق ستارکی جماعت کل جسے نمبر ون میئر کہتی تھی آج وہی اس جماعت کی قلعی کھول رہا ہے۔

انہوں نے مزید کہا کہ فاروق ستار کے پاس بات کرنے کے لیے کیا رہ گیا؟ مردم شماری کے ساتھ انتظامی یونٹ بنانے کا سوال ہی پیدا نہیں ہوتا۔

Comments

comments

یہ بھی پڑھیں