ملتان کے نشتر اسپتال میں لاشوں کی بے حرمتی کا مبینہ واقعہ پیش آیا ہے۔
تفصیلات کے مطابق نشتر اسپتال کے ڈیڈ ہاؤس کی چھت پر لاوارث لاشیں پھینکنے کا دلخراش واقعہ رپورٹ ہوگیا ہے۔
مشیر وزیراعلیٰ پنجاب چوہدری زمان گجر نے ڈیڈ ہاؤس کی چھت پر چار لاوارث لاشوں کی نشاہدہی کی جس کے بعد اسپتال میں سخت خوف وہراس پھیل گیا۔
سنگین غفلت سامنے آنے کے بعد اسپتال انتظامیہ حرکت میں آئی اور لاشوں کی موجودگی سے متعلق انکوائری شروع کردی گئی ہے۔
دوسری جانب ایڈیشنل چیف سیکریٹری جنوبی پنجاب ثاقب ظفر نے نشتراسپتال کی چھت پر لاوارث لاشیں پھینکنے کا سخت نوٹس لیتے ہوئے انکوائری کمیٹی تشکیل دے دی ہے۔
واقعے کی مکمل تحقیقات کے لئے سیکرٹری اسپیشلائزڈ ہیلتھ کئیرنے چھ رکنی انکوائری کمیٹی کا نوٹیفکیشن جاری کردیا ہے، یڈیشنل سیکرٹری اسپیشلائزڈہیلتھ کئیرمزمل بشیرکمیٹی کی سربراہی کریں گے، کمیٹی تین دن میں اپنی رپورٹ پیش کرے گی۔
