کراچی : مقامی عدالت نے نشوا ہلاکت کیس میں صلح نامے کی تصدیق کے لیے نشوا کے والد اور تفتیشی افسر کو آج بروز منگل کو طلب کرلیا ہے۔
تفصیلات کے مطابق گزشتہ روز نشوا ہلاکت کیس کی سماعت مقامی عدالت میں ہوئی، جہاں تفتیشی افسر چالان کے ہمراہ عدالت میں پیش ہوا۔
تفتیشی افسر کا کہنا تھا کہ نشوا کے والد اور ملزمان کے درمیان صلح ہوچکی ہے، عدالت نے صلح نامے کی تصدیق کے لیے نشوہ کے والد اور تفتیشی افسر کومنگل کو طلب کرلیا۔
چالان میں پولیس نے آغا معیز اور ثوبیہ قصور وارقرار دیا جبکہ چالان میں نشوہ کی ہلاکت اسپتال عملے کی غفلت قراردیا ہے پولیس نے مقدمہ میں نامزد اسپتال مالک عامر چشتی، علی فرحان دیگر کا نام نکال دیا۔
مزید پڑھیں: نشوا قتل کیس :دارالصحت اسپتال کے مالکان کی ضمانت مسترد، ملزمان احاطہ عدالت سے فرار
چالان میں کہا گیا ہے کہ دیگر ملزمان سے سمجھوتہ ہو چکا مقدمہ ختم کیا جائے،مقدمہ میں دارالصحت اسپتال کے مالک عامر چشتی، علی فرحان سمیت پانچ ضمانت پر ہیں،خاتون نرس ثوبیہ، آغاز معیز سمیت چار جیل میں ہیں۔
