ایبٹ آباد: نتھیا گلی میں ہوٹل کے ملازمین اور ڈرائیورز کی جانب سے سیاحت کے لیے آنے والی فیملی پر حملہ کردیا گیا۔
سیاحتی مقام پر ایک بار پھر فیملی کو ہراساں کرنے کا واقعہ پیش آیا ہے، نتھیا گلی میں ہوٹل ملازمین اور ڈرائیورز نے سیاح فیملی کی گاڑی پر پتھراؤ کیا گیا اور ڈنڈے مارے، تاہم اس موقع پر پولیس نے مداخلت کرکے جھگڑا ختم کرایا۔
ڈی ایس پی نے بتایا کہ ہوٹل مالکان نے سیاح کو 80 ہزار نقصان ادا کرکے معاملہ ختم کردیا، ہوٹل مالکان اور ڈرائیورز کے پتھراؤ سے سیاحوں کی گاڑی کو نقصان پہنچا۔
نتھیا گلی میں سیاح فیملی اور وین ڈرائیور کے درمیان تلخ کلامی ہوئی تھی، پولیس نے بتایا کہ معمولی تلخ کلامی پرڈرائیورز نے فیملی پر پتھراؤ شروع کیا۔
پولیس نے مزید بتایا کہ نتھیا گلی میں ہوٹل ملازمین اور ڈرائیورز کے پتھراؤ کا نشانہ بننے والی سیاح فیملی کا تعلق پشاور سے ہے، اس واقعے کی ویڈیو سوشل میڈیا پر وائرل ہورہی ہے۔
