سابق چیئرمین پی سی بی رمیز راجا نے کوئٹہ گلیڈی ایٹرز کے بیٹر عمر اکمل کی اتوار کے روز اسلام آباد یونائیٹڈ کے خلاف شاندار اننگز کی تعریف کی ہے۔
ٹاک شو میں میچ پر تبصرہ کرتے ہوئے رمیز راجا نے 14 گیندوں پر ناقابل شکست 43 رنز کی اننگز کھیلنے والے عمراکمل کی بیٹنگ کو سراہا۔
انہوں نے کہا کہ عمر اکمل کی کہانی عظیم ٹیلنٹ کی لفظی تعریف ہے لیکن بدقسمتی سے ٹیلنٹ کو ضائع کر دیا گیا تاہم تمام کھلاڑیوں کے لیے ایک سبق ہے اگر آپ نظم و ضبط کے پابند نہیں ہیں اور کھیلتے ہوئے آپ زبان بند نہیں رکھ سکتے تو آپ اپنے ساتھ ناانصافی کریں گے۔
ان کا کہنا تھا کہ جب عمراکمل نے کرکٹ شروع کی تو وہ میرے پسندیدہ کھلاڑیوں میں سے ایک تھے اور ہم سب نے آج اس کی جھلک دیکھی کہ وہ کتنا ٹیلنٹ رکھتا ہے انہوں نے اسلام آباد یونائیٹڈ کے بہترین باؤلنگ اٹیک کو تباہ کر دیا۔
رمیز راجا نے اکمل کو سب سے بڑا میچ ونر قرار دیتے ہوئے کہا کہ ٹیلنٹڈ کھلاڑی نظم و ضبط اور لاپرواہی کا شکار ہوئے ہیں۔
