The news is by your side.

Advertisement

تحریک عدم اعتماد: اپوزیشن جماعتوں کی ‘پوزیشن’ کیا ہے؟

اسلام آباد: تحریک عدم اعتماد کے سلسلے میں ذرائع نے کہا ہے کہ اپوزیشن جماعتیں اب تک صرف 80 ارکان اسمبلی کے دستخط حاصل کر سکی ہیں۔

تفصیلات کے مطابق اپوزیشن نے تحریک عدم اعتماد کے لیے 80 ارکان اسمبلی کے دستخط حاصل کیے ہیں، جب کہ تحریک عدم اعتماد کی کامیابی کے لیے 172 ارکان کی مکمل حمایت درکار ہو گی۔

ذرائع کا کہنا ہے کہ حکومت کی جانب سے بھی اہم رابطے جاری ہیں، اور اتحادیوں کو آن بورڈ کیا جا رہا ہے، ایک طرف وزیر اعظم اور دوسری طرف حکومتی شخصیات کی انفرادی طور پر ملاقاتیں جاری ہیں۔

واضح رہے کہ وزیر اعظم کے خلاف تحریک عدم اعتماد کے سلسلے میں فتح یا شکست کے لیے 9 اراکین قومی اسمبلی کا کردار فیصلہ کن ہوگا، قومی اسمبلی کے 342 کے ایوان میں 341 ارکان فیصلہ کن کردار ادا کریں گے۔

ہم سے کون رابطے میں ہے، مناسب وقت پر سامنے لائیں گے، بلاول بھٹو

قومی اسمبلی کی ایک نشست پی ٹی آئی رکن کی وفات کے باعث خالی ہے، قومی اسمبلی میں اپوزیشن کی سب سے بڑی جماعت ن لیگ کے ارکان کی تعداد 84 ہے۔

قومی اسمبلی میں پیپلز پارٹی کے 56، ایم ایم اے کے 15 ارکان ہیں، بی این پی کے 4، اے این پی ایک، 3 آزاد ارکان اپوزیشن کا حصہ ہیں۔

Comments

یہ بھی پڑھیں